Saturday 29 July 2017

புதினா - தேங்காய் சட்னி ரெசிபி


புதினா சட்னி மிகவும் எளிமையான சட்னி இதை குறுகிய நேரத்திலே தயார் 
செய்துவிடலாம். புதினாவில் அதிக சத்துகளும் நன்மைகளும் இருக்கிறது. இந்த சட்னியில் புதினா அதிகமாக சேர்க்கப்படுகின்றது எனவே இந்த சட்னி உடல் ஆரோக்கியத்துக்கு நல்லது.   

To Read this Recipe in English, Click Here 

தேவையான பொருட்கள்

  1. புதினா இலைகள் - 3/4 கப்
  2. தக்காளி - 4
  3. கடலை பருப்பு  - 1 1/2 டேபிள் ஸ்பூன் 
  4. மிளகாய் வற்றல் - 4
  5. கறிவேப்பிலை - 3 
  6. கொத்தமல்லி இலை - 6 
  7. தேங்காய் - (2-3) சில் 
  8. பெருங்காயம் - 1/4 தேக்கரண்டி
  9. உப்பு - சுவைக்கு ஏற்ப 
  10. எண்ணெய் - 2 டேபிள் ஸ்பூன்

தாளிக்க 

  1. கடுகு - 1/2 தேக்கரண்டி
  2. உளுத்தம் பருப்பு - 1 தேக்கரண்டி
  3. மிளகாய் வற்றல் - (2-3)
  4. கறிவேப்பிலை - 2  

To Read this Recipe in English, Click Here 

செய்முறை 

  1. வாணலியில் எண்ணெய்யை காயவிடவும்.
  2. கடலை பருப்பை சேர்க்கவும். போன் நிறமாக மாறும் வரை வறுக்கவும்.
  3. மிளகாய் வற்றலை கிள்ளி போடவும்.
  4. நறுக்கிய தக்காளியை சேர்க்கவும்.
  5. புதினா இலைகளை சேர்க்கவும்.
  6. கறிவேப்பிலை மற்றும் கொத்தமல்லி இலையை சேர்க்கவும்.
  7. தேங்காய் துண்டுகளை சேர்க்கவும்.
  8. உப்பு மற்றும் பெருங்காயத்தை சேர்க்கவும்.
  9. தேவைப்பட்டால் சிறிது தண்ணீரை உற்றி தக்காளி நன்கு வதங்கும் வரை வதக்கவும்.
  10. சட்னி கலவையை ஆறவிடவும்.

  11. மிக்ஸியில், கலவையை சட்னி பதத்திற்கு அரைக்கவும்.தேவையான அளவு தண்ணீர் ஊற்றி வாணலியில் ஒரு கொதி வரவிடவும்.
தாளிப்பதற்கு 
  1. வாணலியில் எண்ணெய் ஊற்றி, கடுகு, உளுத்தம் பருப்பு, மிளகாய் வற்றல் மற்றும் கறிவேப்பிலையை சேர்க்கவும்.
  2. தாளித்ததை சட்னியில் சேர்க்கவும்.
  3. இட்லி, தோசை அல்லது தக்காளி சாதத்துடன் பரிமாறவும்.

To Read this Recipe in English, Click Here 

குறிப்பு

  1. தேங்காய் இல்லாமல் கூட இந்த சட்னியை செய்யலாம். 
  2. விருப்பப்பட்டால், தக்காளியோடு கொஞ்சம் புளியை சேர்த்து கொள்ளலாம். 
  3. உப்பு மற்றும் காரத்தை விருப்பத்திற்கு ஏற்றவாரு மாற்றிக்கொள்ளலாம்.    
       

No comments:

Post a Comment

வாசகர்களின் விருப்பமான ரெசிபி

செட்டிநாடு மீல் மேக்கர் கிரேவி

சோயா/ மீல் மேக்கரில்  புரத சத்து அதிகமாக உள்ளது. சைவம் சாப்பிடுபவர்களுக்கு  சோயாவிலிருந்து போதுமான புரதம் கிடைக்கும். சோயா பீன்ஸிலிருந...