Wednesday 28 June 2017

முல்லு முருங்கை வடை ரெசிபி


பாங்கராபான் பைரி / முல்லு முருங்கை கீரை வடை ஒரு ருசியான மற்றும் ஆரோக்கியமான சிற்றுண்டி. மதுரையில் தள்ளு வண்டி கடையில்  இது ஒரு பிரபலமான சிற்றுண்டி. முள்ளு முருங்கை இலையில் மருத்துவ குணங்கள் அதிகம் உள்ளது. மெக்னீசியம், இரும்பு, கால்சியம், ஃபைபர் மற்றும்   பொட்டாசியம் போன்ற சத்துகள் நிறைந்துள்ளது. முல்லு முருங்கையோடு மிளகும் சேர்ந்துள்ளதால் இதில் நிறைய பபலன்கள் உள்ளன. குளிர் மற்றும் இருமலுக்கு இது மருந்தாக இருக்கும்.
மழைக்காலத்தில், முள்ளு முருங்கை வடை இட்லி போடி அல்லது பொட்டு கடலை பொடியோடு சாப்பிட்டால் இதமாக இருக்கும். . கிட்ஸ்இந்த டிஷ் நேசிக்கும். குழந்தைகளும் இந்த வடையை மிகவும் விரும்புவர். இது சௌராஷ்ட்ர மக்களின் ஸ்பெஷல் வடை ஆகும்.

TO VIEW THIS RECIPE IN ENGLISH, CLICK HERE.



தேவையான பொருட்கள்

  1. முள்ளு முருங்கை இலை - 2 கப் 
  2. இட்லி அரிசி - 2 கப்
  3. மிளகு - 2 தேக்கரண்டி
  4. கல் உப்பு - 1 தேக்கரண்டி
  5. அரிசி மாவு  - 1/2 கப்
  6. எண்ணெய் - (5-6) டேபிள் ஸ்பூன் 

செய்முறை

  1. இட்லி அரிசியை நன்கு அலசி 8 மணி நேரம் அல்லது இரவு முழுவதும் ஊரவைக்கவும். 
  2. முள்ளு முருங்கை இலையை நன்றாக சுத்தம் செய்யவும்.
  3. மிக்ஸியில் முள்ளு முருங்கை இலை மற்றும் மிளகை சேர்க்கவும். சிறிது தண்ணீரை சேர்த்து மைய அரைக்கவும்.
  4. அரைத்த கலவையை ஒரு அகலமான பாத்திரத்தில் மாற்றவும். 
  5. மிக்ஸியில் ஊறவைத்த அரிசி மற்றும் கல் உப்பை சேர்க்கவும். கொஞ்சம் தண்ணீர் ஊற்றி கொர கொரப்பாக அரைத்துக்கொள்ளவும்.
  6. அரைத்த வைத்த முள்ளு முருங்கை இலையுடன் அரைத்த இட்லி அரிசியை சேர்க்கவும். நன்கு கலக்கவும்.
  7. அரிசி மாவை சேர்த்து அரைத்த கலவையை கெட்டியாக பிசைந்து கொள்ளவும். 5 நிமிடங்கள் ஊற வைக்கவும்.

  8. வாணலியில் எண்ணெய்யை காயவிடவும்.
  9. நனைத்த இட்லி துணி அல்லது எண்ணெய் தடவிய சுத்தமான பிளாஸ்டிக் கவரை எடுத்துக்கொள்ளவும். சிறிது மாவை எடுத்து உருண்டையாக உருட்டிக்கொள்ளவும்.
  10. வட்டமாக அதை கையால் தட்டிக்கொள்ளவும்.
  11. எண்ணெய் சூடானதும் வட்டமாக தட்டிய மாவை கவனமாக பொரிக்கவும்.
  12. மறுபுறமும் நன்றாக பொரிக்கவும். 
  13. இட்லி பொடியுடன் சூடாக பரிமாறவும்.
    1. சுவைக்கு ஏற்ப காரம் மற்றும் உப்பை சரிசெய்யவும்.
    2. சப்பாத்தி மாவை விட இந்த மாவு கொஞ்சம் ஈர பதத்தில் இருக்க வேண்டும்.
    3. முள்ளு முருங்கை இலை மற்றும் இட்லி அரிசியை அரைக்கும் போது தண்ணீரை கொஞ்சமாக ஊற்றவும். இல்லையென்றேல் மாவு எண்ணையை அதிகமாக குடிக்கும்.
    4. அரிசி மாவு முள்ளு முருங்கை இலைமாவை கெட்டியாக பிசைய தேவைப்பட்டால் மட்டும் உபயோகிக்கவும்.

    Tuesday 27 June 2017

    இட்லி-தோசை மாவுவில் இருத்து வெங்காய ரவா தோசை செய்வது எப்படி?


    இட்லி-தோசை மாவிலிருந்து ரவா தோசை செய்ய படத்துடன் செய்முறை மற்றும் குறிப்பு பின்வருமாறு. 


    பொதுவாக ரவா தோசையை செய்ய மைதாவை பயன்படுத்துவர். ஆனால் நான் இந்த ரெசிபியில் மைதாவை பயன்படுத்தவில்லை. இந்த ரவா தோசை உணவகங்களில் கிடைக்கும் ரவா தோசை போல் சுவையாக இருக்கும்.


    சில சமயம் சிறிது இட்லி- தோசை மாவு மீதம் இருக்கும் அல்லது மாவு புளித்து இருக்கும். புளித்த மாவில் தோசை செய்வது உடலுக்கு நல்லதல்ல. இந்த சமயத்தில் இட்லி- தோசை மாவிலிருந்து ரவா தோசை செய்யலாம். 

    TO READ THIS RECIPE IN ENGLISH CLICK HERE.


    தேவையான பொருட்கள்

    1. ரவை / செமோலினா - 1/2 கப்
    2. இட்லி/ தோசை மாவு  - 1/2 கப்
    3. வெங்காயம் (பெரியது) - 1
    4. பச்சை மிளகாய் - 1
    5. மிளகு - 1/2 தேக்கரண்டி
    6. சீரகம் - 1/2 தேக்கரண்டி
    7. இஞ்சி - ஒரு சிறிய துண்டு
    8. கறிவேப்பிலை - 3 
    9. கொத்தமல்லி - 3 
    10. பெருங்காயம் - 1/4 விரும்பினால்
    11. உப்பு - 1/2 தேக்கரண்டி
    12. தண்ணீர் - 1/2 கப்
    13. எண்ணெய் - 1 டேபிள்ஸ்பூன் 
    14. கடுகு - 1/4 தேக்கரண்டி (விரும்பினால்)
    15. உளுத்தம் பருப்பு - 1/2 தேக்கரண்டி (விரும்பினால்)

    செய்முறை 

    1. ஒரு பாத்திரத்தில் ரவையோடு தண்ணீரை ஊற்றி குறைந்தது 15-20 நிமிடங்கள் வரை ஊறவைக்கவும்.
    2. வாணலியில் எண்ணெய்யை காயவிடவும்.
    3. கடுகு, உளுத்தம் பருப்பு, நறுக்கிய வெங்காயம், நறுக்கிய இஞ்சி, நறுக்கிய பச்சை மிளகாய், இடித்த மிளகு, இடித்த சீரகம், கறிவேப்பிலை மற்றும் கொத்தமல்லியை சேர்க்கவும். நன்றாக வதக்கவும். 

    4. அகலமான பாத்திரத்தில் ஊறவைத்த ரவை, இட்லி/ தோசை மாவு, தாளித்த பொருட்கள், பெருங்காயம், உப்பு மற்றும் தண்ணீரை சேர்த்து கலக்கவும்.
    5. தோசை தவாவை காயவைத்து அதில் விளக்கெண்ணையை ஒரு துணி அல்லது திசு பேப்பர் கொண்டு தேய்க்கவும்.
    6. தோசை மாவை சுற்றி ஊற்ற வேண்டும். சிறுது எண்ணையை ஊற்றவும்.
    7.  ஒரு புறம் ரவா தோசை நன்கு வெந்ததும் 
    8. திருப்பி மறுபுறமும் நன்கு மொறு மொறுவென்று வரும் வரை வேகவைக்கவும். 
    9. தேவைப்பட்டால் சிறுது எண்ணெய் ஊற்றவும். சுவையான வெங்காயம் ரவா தோசை சுவைக்க தயார்.


    குறிப்பு 

    1. வெங்காயம் இல்லாமல் கூட ரவா தோசையை தயாரிக்கலாம்.
    2. விருப்பப்பட்டால், துருவிய கேரட்டை சேர்த்துக்கொள்ளலாம்.
    3. சுவைக்கு ஏற்ப காரம் மற்றும் உப்பை சரிசெய்யவும்.
    4. சதா தோசையை விட ரவா தோசையை சமைக்க அதிக நேரம் ஆகும். இதற்க்கு காரணம் ரவை ஆகும். ரவை வேக சிறுது நேரம் ஆகும்.
    5. மொறு மொறுப்பு கூடுதலாக வேண்டும் என்றால் (1/4 - 1/2) கப் அரிசி மாவை இட்லி- தோசை மாவோடு சேர்த்துக்கொள்ளலாம்.

        Tuesday 20 June 2017

        செட்டிநாடு மீல் மேக்கர் கிரேவி

        சோயா/ மீல் மேக்கரில்  புரத சத்து அதிகமாக உள்ளது. சைவம் சாப்பிடுபவர்களுக்கு  சோயாவிலிருந்து போதுமான புரதம் கிடைக்கும். சோயா பீன்ஸிலிருந்து பால் எடுக்குக்கும்போது கிடைக்கும் சக்கையை உலர செய்து சோயாவை தயார் செய்கிறார்கள் . எனவே பல அசுத்தங்கள் அதில் இருக்கும். எனவே வேகவைத்தவுடன்  ஒரு முறைக்கு 2-3 முறைக்கு அதனை அலச வேண்டும். மேலும் சோயாவில் உள்ள தண்ணீரை நன்கு பிழிந்தால்தான் மசாலாவின் சுவை அதனுள் நன்கு இறங்கும்.

        இந்த குழம்பு என் சொந்த செய்முறையை . நான் தோராயமாக பொருட்களை தேர்வு செய்து மதிய உணவிற்கு இதை முயற்சி செய்தேன் . இது அற்புதமாய் இருந்தது. செட்டிநாடுட் டிஷ் போன்ற ருசி இதில் இருந்தது . சாதத்துடன் இது நன்றாக இருந்தது . இது சப்பாத்தி மற்றும் பிரியாணி அல்லது பூலாவோவுடன் நன்கு இருக்கும். இது இறைச்சிக்கு ஒரு பெரிய மாற்றாக இருக்கும். சாதத்தில் நெய்யோடு இதை உண்டால் மட்டன் போன்று சுவைக்கும் . எல்லாவற்றிலும், இந்த செய்முறையில் குறைந்த எண்ணெய் பயன்படுத்தப்பட்டுள்ளது . இது டயட்டில் உள்ளவர்களுக்கு சுவையான விருந்து.


        TO READ THIS RECIPE IN ENGLISH, CLICK HERE.




        TO READ THIS RECIPE IN ENGLISH, CLICK HERE.

        தேவையான பொருட்கள்

        அரைக்க 

        1. சோயா/ மீல் மேக்கர் - 1/2 கப் 
        2. சின்ன  வெங்காயம் - (8-10)
        3. தக்காளி - 2
        4. சீரகம்- 1 தேக்கரண்டி
        5. சோம்பு/ பெருஞ்சீரகம் - 1/2 தேக்கரண்டி
        6. மிளகு - 1/2 தேக்கரண்டி
        7. மிளகாய் வற்றல் - 4
        8. கொத்தமல்லி விதை - 3 தேக்கரண்டி
        9. கறிவேப்பிலை - (2-3)
        10. தேங்காய் சில் - 1 1/2 தேக்கரண்டி
        11. உப்பு - சுவைக்கைக்கேற்ப 

        தாளிக்க 

        1. கடுகு - 1/2 தேக்கரண்டி
        2. உளுத்தம் பருப்பு - 1 தேக்கரண்டி
        3. நல்லெண்ணெய் - 2 டீஸ்பூன்

        செய்முறை 

        1. வாணலியில் சோயா/ மீல் மேக்கர் மற்றும் தண்ணீரை சேர்க்கவும். சிறிது உப்பை சேர்க்கவும். 5 நிமிடங்கள் வரை கொதிக்க விடவும். மீல் மேக்கரின் அளவு கூடி இருக்கும். அதனை ஆற விடவும். தண்ணீரை வடிகட்டி நன்கு அலசவும் , சோயாவில் உள்ள அதிகமான நீரை நன்கு பிழிந்து எடுக்கவும்.
        2. வாணலியில்  சீரகம், பெருஞ்சீரகம், மிளகு, கொத்தமல்லி விதைகள் மற்றும் மிளகாய் வற்றலை வறுக்கவும்.
        3. அதனுடன் முழு சின்ன வெங்காயத்தை சேர்க்கவும். 
        4. நறுக்கிய  தக்காளி  மற்றும் கறிவேப்பிலையை சேர்த்து வதக்கவும். இந்த கலவையை ஆற விடவும்.
        5. மிக்ஸியில், வெங்காய- தக்காளி கலவையுடன் தேங்காய் சில்லை சேர்க்கவும்.
        6. அதனை மைய அரைக்கவும்.
        7. வாணலியில் எண்ணெய்யை காயவிடவும்.
        8. கடுகு மற்றும் உளுத்தம் பருப்பை சேர்க்கவும். 
        9.  உளுத்தம் பருப்பு பொன் நிறமாக மாறிய பின் , அரைத்த கலவைவுடன் சிறிது தண்ணீரை இதில் சேர்க்கவும்.
        10.  தேவைக்கு ஏற்ப உப்பை சேர்க்கவும்.
        11. பிழிந்த மீல் மேக்கரை அதனோடு சேர்த்து 3-5 நிமிடங்கள் வரை மிதமான தீயில் கொதிக்கவிடவும்.
        12.  நறுக்கிய கொத்தமல்லி இலைகளை தூவி அலங்கரிக்கவும். 
        13. சப்பாத்திவுடன் அல்லது சாதத்துடன் சூடாக பரிமாறவும். 

        TO READ THIS RECIPE IN ENGLISH, CLICK HERE.

        குறிப்பு 

        1. விருப்பப்பட்டால், சோயாவில் உள்ள நீரை நன்கு பிழிந்து எடுத்தவுடன்  2 அல்லது 4 துண்டுகளாக நறுக்கிக்கொள்ளலாம்.
        2. சிறிய அளவு மீல் மேக்கர் கூட கடைகளில் கிடைக்கிறது. அதை கூட உபயோகிக்கலாம்.
        3. தேங்கையை வெங்காயத்தோடு சேர்த்து வதக்கிக்கொள்ளலாம். சுவை சிறிது மாறுபடும்.
        4. ஒரு மாறுபாட்டிற்காக, ஏலக்காய, இலவங்கப்பட்டை, கிராம்பு, பிரிஞ்சி இலை மற்றும் அண்ணாச்சி பூ/ மூக்கு ஆகியவற்றை சோம்போடு சேர்த்து வறுத்துக்கொள்ளலாம்.
        5. சோயாவில் உள்ள தண்ணிரை நன்கு பிழிந்து எடுப்பதால் மசாலாவை அது நன்கு கிரகித்துகொள்ளும். தேவைக்கு ஏற்ப தண்ணீர் மற்றும் சுவைஓட்டிகளை சேர்க்கவும். 

        Sunday 4 June 2017

        நாடுக்கோழி மிளகு பூண்டு வறுவல்

        நாடுக்கோழி மிளகு வறுவல் என்பது ஒரு உண்மையான செட்டிநாடு உணவாகும். இது மிகவும் காரமான டிஷ் ஆகும். இறைச்சி உண்பவர்கள் இந்த உணவை மிகவும் விரும்புவர். இது வாயில் எச்சிலய் ஊர செய்யும் உணவாகும் . இது சாதம், சப்பாத்தி  மற்றும் புரோட்டா உடன் ஒரு சுவையான காம்பினேஷனாக இருக்கும் . இது ஒரு ஸ்டார்ட்டர் ஆக சாப்பிடலாம் . நாடுக்கோழி மிளகு வறுவலின் சுவை பிராய்லர் கோழி மிளகு வறுவிலிருந்து வேறுபடுகிறது.

        வழக்கமாக, நாடுக்கோழியில் மாமிசம் குறைவாக இருக்கும் . தயாரிப்பதற்கு முன்பாக கோழி துண்டுகளை கவனமாக தேர்ந்தெடுக்க வேண்டும். இது பல உணவகங்களில் பிரபலமான உணவாகும். பூண்டு கோழிக்கு நல்ல வாசனை சேர்க்கிறது.

        இதனை எளிமையாக வீட்டிலிலே தயாரிக்கலாம் . பயன்படுத்தப்படும் பொருட்கள் எப்பொழுதும் வீட்டில் கிடைக்கும். நாம் விரைவில் இந்த டிஷ்யை செய்ய முடியும்.

        TO READ THIS RECIPE IN ENGLISH, CLICK HERE


        TO READ THIS RECIPE IN ENGLISH, CLICK HERE

        தேவையான பொருட்கள்

        1. பெரிய வெங்காயம் - (4-6)
        2. பச்சை மிளகாய் - 3
        3. பூண்டு  - (5-6)
        4. சீரகம் - 1 தேக்கரண்டி
        5. கறிவேப்பிலை - 2 
        6. தயிர் - 2 தேக்கரண்டி
        7. மிளகாய் தூள் - 1/2 டீஸ்பூன்
        8. மிளகு தூள் - 1/2 டீஸ்பூன்
        9. உப்பு - 2 தேக்கரண்டி

        குக்கரில் சமைக்க 

        1. சிக்கன் - 500 கிராம்
        2. மஞ்சள் தூள் - 1/2 தேக்கரண்டி
        3. மிளகாய் வற்றல்  -2

        செய்முறை 

        1. குக்கரில் நன்றாக கழுவிய  கோழி, மஞ்சள் தூள், சிவப்பு மிளகாய்  மற்றும் தண்ணீரை சேர்க்கவும். 15-20 நிமிடங்கள் வரை அதை வேக வைக்கவும்.
        2. வாணலியில் எண்ணெய் ஊற்றவும் . சீரகத்தை சேர்க்கவும். அது வெடித்தவுடன் நறுக்கிய பூண்டு, பச்சை மிளகாய் மற்றும் கருவேப்பில்லையை சேர்க்கவும். 2-3 நிமிடங்களுக்கு வதக்கி கொள்ளவும்.
        3. நறுக்கிய வெங்காயத்தை சேர்க்கவும். வெங்காயம் பொன் நிறமாக மாறும் வரை வதக்கவும்.
        4. சமைத்த கோழியை வெங்காய கலவையோடு  சேர்க்கவும்.
        5. தயிர், சிவப்பு மிளகாய் தூள், மிளகு தூள் மற்றும் உப்பை சேர்த்து நன்கு கலக்கவும். 5 நிமிடங்கள் வரை வதக்கவும். நறுக்கிய கொத்தமல்லி இலைகளை தூவி, நாடுக்கோழி மிளகு வறுவலை  அலங்கரிக்கவும்.
        1. கோழி நன்றாக வேகவில்லை என்றால், 5 நிமிடங்கள் கூடுதலாக வேக வைக்கவும்.
        2. சுவைக்கு ஏற்ப மசாலா மற்றும் உப்பை சரி செய்யவும்.


        வாசகர்களின் விருப்பமான ரெசிபி

        செட்டிநாடு மீல் மேக்கர் கிரேவி

        சோயா/ மீல் மேக்கரில்  புரத சத்து அதிகமாக உள்ளது. சைவம் சாப்பிடுபவர்களுக்கு  சோயாவிலிருந்து போதுமான புரதம் கிடைக்கும். சோயா பீன்ஸிலிருந...